Tensione të forta përfshinë Gjykatën e Fierit mëngjesin e kësaj të enjte, teksa familjarët e Mateo Vesiut, prisnin ardhjen e Klodian Çalamanit, të akuzuar për vrasjen barbare të vogëlushit 8-vjeçar. Kërkesa e tyre për të qenë të pranishëm në sallën e gjyqit kur të jepej vendimi shkaktoi edhe përplasje me policinë. Kërkesa e tyre ishte dënimi me vdekje i 38-vjeçarit.
Një pjesë e familjarëve hynë me forcë në mjediset e gjykatës, për të cilët u desh ndërhyrja e uniformave blu që të largohen serish.
Për më shumë se 1 orë familjarët dhe qytetarë të tjerë kanë bllokuar hyrjen e gjykatës duke mos lejuar kalimin e asnjë automjeti.
Në këtë situatë trupa gjykuese vendosi ta linte në burg 38-vjeçarin Klodian Çalamani në një seancë pa praninë e medias. Vetë i akuzuari nuk u paraqit pasi përmes një deklarate refuzoi të ishte i pranishëm në seancë. Pas seancës deklaroi tërheqjen edhe avokati mbrojtës i caktuar nga shteti.
Të bindur se përballja me vrasësin e fëmijës nuk ishte e mundur, familjarët e Mateos kërkuan dënim me varje për Çalamanin në një peticion që po firmoset në qendër të qytetit. Familjarëve të Mateos u janë bashkuar edhe qytetarë të Fierit duke kërkuar dënim maksimal për 38-vjeçarin, ndërsa peticioni ku kërkohet ekzekutimi u tij ka mbërritur edhe në qytetin e Vlorës.
Tv Klan
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
