Буһурук туман-тыал тууйда дуу
Бусхааттаах хонук-дьыл таайан дуу?
Курус тыын айыыта буолаҥҥыт,
Кутурҕан ырыатын ыллааҥҥыт
Барымаҥ даа, кубалар,барымаҥ!
Курус тыын айыыта буолаҥҥыт,
Барымаҥ даа,кубалар,барымаҥ,
Кутурҕан ырыатын ыллааҥҥыт.
Баай-талым айылҕа мааныта,
Баар бастыҥ барҕата-талбата
Эһиги буолбаккыат,аанньаллар,
Эриэккэс дьиктилээх айыылар
Барымаҥ даа,кубалар барымаҥ!
Эһиги буолбаккыат,аанньаллар.
Барымаҥ даа,кубалар барымаҥ,
Эриэккэс дьиктилээх айыылар.
Бу сиргэ быйаҥ-өҥ эргиллиэ,
Буомурбут санаа-өй да тиллиэ,
Күлүмнүүр көмүс күн утаҕа
Көстүбэт күүс тыынын уунуоҕа
Барымаҥ даа,кубалар, барымаҥ!
Бу сиргэ быйаҥ-өҥ эргиллиэ,
Барымаҥ даа,кубалар, барымаҥ
Буомурбут санаа-өй да тиллиэ.
![](https://s2.save4k.ru/pic/odgUnrLYBVc/maxresdefault.jpg)