Mënyra më e thjeshtë për një super Broënie
200 gr Çokollatë (fondente)
115 gr gjalp
1 fç sheqer
1/2 fç sheqer kaf
3 vezë mesatare
1/4 lç kripë
1 lç vanilje (ekstrakt)
100 g miell
2 lgj kakao
Vendosim në zjarr një tigan salce me ujë për të valuar. Në një tas vendosim çokollatën të copëtuar ku do të shtojmë gjalpin (30gr) dhe tasin e vendosim mbi tigan ne banjomari me qëllim që çokollata te shkrihet nëpërmjet avullit. E përziejmë vazhdimisht derisa çokollata te shkrijë komplet.E largojmë nga zjarri dhe vendosim tasin mbi një pecetë.
Në një tas tjetër vendosim sheqerin, sheqerin kaf. Shtojmë një vezë dhe përziejmë sheqerin me tel dore. Pas pak shtojmë vezën e dytë dhe vazhdojmë përzierjen derisa sheqeri te filloj ngadalë duke u shkrirë. Shtojmë dhe vezën e tretë dhe dhe vazhdojmë përzierjen derisa veza dhe sheqeri të kthehen në trajtë kremoze. Shtojmë një lugë kafe vanilje e më pas çokollatën e shkrirë duke e përzier me tel dore.
Shtojmë miellin e më pas kakaon dhe e përziejmë mirë derisa te na formohet një brumë i rrjedhshëm lehte spatula. E vendosim brumin në një tepsi ku kemi shtuar letër pjekje e më pas e vendosim atë në furrë në temperaturë 180 gradë për 30 minuta.
Pulë me hudhra dhe perime të stinës
4-5 racione mish pule
6 thelpinj hudhër
3 gjethe dafine
10 kokrra piper të zi
150 ml verë të bardhë
1 gotë ujë
Vaj ulliri
Kripë dhe piper të zi
Perimet
1/2 kungull i njomë
1 qepë
1 patëllxhan i vogël
1 spec i kuq
2 speca jeshil
Rrigon,trumzë ,rozmarinë
400 g domate në kuti
Vaj ulliri
Kripë
Fillimisht pastrojmë perimet dhe i presim ato në kubikë me brinjë 1 cm. Pra qepën, specat, patëllxhanin dhe kungullin. Ngrohim vajin në tigan dhe fillimisht shtojmë në të qepën. E kaurdisim për 3 minuta e më pas shtojmë specat, patëllxhanin dhe kungullin. I spërkatim ato me pak kripë dhe i kaurdisim ato derisa të ulin volumin. Në një tigan tjetër vendosim 3 luge gjelle vaj. Shtojmë hudhrat të paprera të plota. Marinojmë mishin e pulës me kripë dhe piper dhe vendosim në tigan ku hudhra është duke u skuqur atë nga të dy anët.
#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu
![](https://i.ytimg.com/vi/ogXB20XvUTY/maxresdefault.jpg)