Ақтауда өткен жұмада өз әкесінің қолынан қайтыс болған 7, 8 және 12 жастағы үш жасөспірімнің денесі жер қойнына тапсырылды. Шиеттей балаларды ас үй пышағымен жарақаттап өлтірді деген күдікпен әкелері ұсталған еді. Алайда, оның мұндай жартүршігерлік қылмысқа қандай себеппен барғаны әзірге белгісіз. Ер адамды танитындар оның жат ағымның жетегінде кеткенін айтады. Ал қалалық білім бөлімінің мәліметінше, мектеп жасындағы балалар бастапқыда Ақтауда оқыған. Бірақ былтыр күзде ата-анасы ажырасқандықтан, олар анасымен бірге Атырауда тұрып жатқан. Ал бұл жолы Ақтауға әкелеріне 10 күндік демалысқа келген екен. Әріптесім Махаббат Нұржанқызы мән-жайды біліп келген еді.
Шиеттей екі қызы мен бір ұлын өз қолымен пышақтап өлтірді деп күдікке ілінген ер адам осы үйде тұрған. Бақилық болған балалардың кенжесі небәрі 7 жаста, ортаншысы 8-де, ал үлкені 12 жаста болған. Қалалық білім бөлімінің мәліметінше, мектеп жасындағы екі қыз қыркүйектен қарашаға дейін Ақтауда оқыған. Ал, қараша айында ата-анасы ажырасып, анасы балаларын өзімен бірге Атырауға алып кеткен екен. Балалар мектептен 10 күн демалысқа шыққан кезде әкесі оларды Ақтауға алып келіпті. Алайда балалар анасына жете алмай, дәл осы жерде жан тапсырған. Болған жәйтті естіген көршілерінің төбелерінен жай түскендей. Олар бұл үйде тіпті мұндай адамныңтұратынын да білмедік деп отыр.
ҰЛСЫН АҚБЕРГЕНОВА, Ақтау қаласының тұрғыны:
– Үш баласымен менің қасымнан өтті былай, ана жерден таксиден түсті де, былай өтті. Екі қызының хиджабы бар қасында, ана еркек баласы ізінде келе жатты. Үшеуін алып сол келесі подъезге кіріп кетті. Бұрын-соңды ол жігітті көргеніміз де жоқ, білмейміз де. Даже ана подъезіндегі адамдар да білмейді ғой, біреуі де танымайды.
РАХМЕТ ҚОЙБАҒАР, Ақтау қаласының тұрғыны:
– Келеңсіз жағдай болды Құдай сақтасын, балаларға обал болды не де болса. Қандай адам екенін қайдан білейін. Тіпті адам айтса нанғысыз, не істегенін бір Құдай біледі бірақ. + Жақында алған дейді ғой. Көшіп кеткен бұрында біреулер тұратын еді.
Жасөспірімдердің анасы туралы әзірге ешқандай ақпарат жоқ. Әлеуметтік желіде балаларын бауыздап өлтірді деп күдікке ілінген азаматтың фотосы тарады. Сондай-ақ, оның Бейнеу ауданының тумасы екендігі белгілі болды. Ал атын атамауды өтінген ауылдасы ер адамның деструктивті діни ағымның өкілі екенін айтады. Қазір күдікті уақытша ұстау изоляторына қамалды. Полиция департаменті оның үстінен "адам өлтіру" бабы бойынша қылмыстық іс қозғап, тергеу жүргізіп жатыр.
АЙГЕРІМ ИБАТУЛЛАЕВА, Маңғыстау облысы Полиция департаментінің бөлім бастығының міндетін атқарушы:
– 2011, 2014 және 2016 жылы туған кәмелетке толмағандарды өлтірді деген күдік бойынша полиция 36 жастағы әкесін ұстады. ҚР ҚК 99-бабы бойынша сотқа дейінгі тергеу амалдары бастылды. Жедел тергеуіс шаралары жүргізілуде.
Айта кетейік Маңғыстау облысында мұндай жантүршігерлік жағдай екінші рет қайталып отыр. Былтыр желтоқсан айында Мұнайлы ауданының тұрғыны да өзінің үш бірдей баласын жіпке асып, артынша өзіне де қол жұмсаған болатын
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
