Subscribe në Ora News këtu [ Ссылка ]
Nëna e dëshmitarit të konsideruar “të zhdukur” të procesit gjyqësor ndaj Arben Frrokut Ylli Memia deklaron se nuk di se ku ndodhet djali i saj, por thotë se është larguar jashtë shteti pasi do të mjekonte vajzën e tij të sëmurë.
Razie Memia në një intervistë për Ora News thotë se prej tre muajsh nuk ka kontaktuar me djalin e saj Ylli Memia.
Ajo pranon se disa herë policia ka trokitur në derën e saj duke kërkuar që Ylli Memia të paraqitet në gjykatë, por thekson se djali i saj nuk di asgjë dhe nuk ka bërë asgjë, ndaj policia nuk ka pse ta kërkojë atë.
Ylli Memia, ish-gardisti që dëshmoi për llogari të hetimit mbi vrasjen e komisar Dritan Lamajt, nuk është paraqitur në proçesin penal në Gjykatën e Tiranës, ku akuzohet për dëshmi të rreme.
Emri i Memisë, u permend nga prokuroria si njeriu i cili kishte ndërmjetësuar takimin e dëshmitarit të mbrojtur prej akuzës që pa vrasësit e komisarit Dritan Lamaj dhe dy ish-zyrtareve të lartë të policisë.
Sipas Prokurorisë, ai ishte kontaktuar në telefon nga dëshmitari Arben Ndoka për të denoncuar vrasjen e komisarit të policisë.
Për më shumë klikoni në [ Ссылка ]
