Əncir qurusunun faydaları
Məhəmməd Peyğəmbər əncirdən danışarkən deyib: “Cənnətdə meyvə olsaydı, o meyvə əncir olardı”.
Bütün çiçəklər xaricə açılsa da, əncirin çiçəkləri daxilə açılır. İçindəki hər bir toxum bir çiçəkdir. Obrazlı şəkildə desək, bir ənciri əlimizə alanda, təxminən, 200 çiçəkdən ibarət bir buketi əlimizə almış oluruq. Daxilə açılmış bu çiçəklərin mayalanması da qəribədir. Milçək özəkdən girir, bircə-bircə bütün çiçəkləri mayalandırır, sonra da gəldiyi yerdən çıxır.
Bəzən bir divarın oyuğunda böyüyər əncir ağacı. Buna da quşlar səbəb olar. Onlar yedikləri toxumu olduğu kimi-həzm edilmədən xaric edirlər.
Sizə bu qeyri-adi meyvənin qurusundan danışacağam. Çünki əncir qurusu çox dərdə dərmandır.
-qan artırır; qan sümük iliyində istehsal edilir. Əncir qurusu məhz o ilikdə aktivlik yaradır.
-qadınlarda yumurtaları yetişdirir; əncir qurusunu qaynadıb suyunu içmək aybaşı pozulmalarının qarşısını alır, yumurtaların vaxtlı-vaxtında yetişməsini təmin edir.
-hamilə qalmağa kömək edir; həm yumurtanın yetişməsində, həm də yumurtanın böyüməsində funksional olan əncir qurusu sonsuzluğun dərmanlarından sayılır.
-bronxitin müalicəsində və davamlı öskürəyin dayanmasında faydalıdır;
-gənc analarda südü artırır;
- enerjini artırır;
-spermanın keyfiyyətini yüksəldir; soyuq su ilə yaxşı-yaxşı yuyulmuş əncir qurusunu çərəz kimi yemək də, qaynadıb suyunu içmək də kişilərə xeyirdi. Xüsusilə, spermatozoiddəki struktur anomaliyaları zamanı əncir qurusu ən təbii dərman vasitəsi kimi köməyə çatır. Belə hallarda əncir qurusu ilə yanaşı, təbii E vitamini də qəbul etmək effekti artırır. Diqqət edin: təbii E vitamini! Sintetik E vitamini əncir qurusu ilə paralel qəbul zamanı heç bir fayda verməyəcək. Üstəlik, E vitaminini 1 aydan artıq qəbul etmək olmaz. 1 aydan sonra mütləq fasilə vermək lazımdır. Çünki hüceyrənin daxilində A vitamini ilə E vitamini balanslı şəkildədir. Daim E vitamini qəbul etsəniz, A vitamini azalmağa başlayır.
-hüceyrələin inkişafına dəstək olur;
-qocalmanı ləngidir;
-cinsi aktivliyi artırır;

Əncir qurusunun suyu belə hazırlanır:
9 ədəd əncir qurusunu soyuq su ilə yaxşı-yaxşı yuyun. Ta ki, üstündəki toz təbəqəsi təmizlənsin. Sonra bir qaba qoyun, üstünə yarım litr qaynar su tökün 5-7 dəqiqə vam odda qaynadın. Həmin suyu ilıq halda için. Üç yerə bölüb hər dəfə yeməkdən 15 dəqiqə əvvəl bir qismini içə bilərsiniz.
Əncir suyunu 21 gün için, sonra 7 gün fasilə verib təkrar 21 gün için. Yəni, bir müalicə kursunun müddəti 42 gündür.
Əncirin bütün növləri faydalıdır. Amma kiçik, yumru əncirlər digər növlərə nisbətən, daha effektivdir.
Bu videoda quru əncirin faydalarından danışdım, çünki təzə əncirin mövsümü çox qısamüddətli olur və il boyu əlimiz yalnız qurusuna çatır. Amma mövsümündə təzə-təzə yeyilən əncir də qurusu qədər faydalıdır.

свернуть