Zyra e Prokurorit të Specializuarnë Hagë tha se do të hetojë dhe do të ndjekë penalisht të gjithë ata që frikësojnë apo ndërhyjnë te dëshmitarët, ose “ofrojnë mbështetje financiare apo të ndonjë forme tjetër për vepra të tilla penale”.
Reagimi i kësaj zyre u bë pasi trupi gjykues në rastin kundër Hashim Thaçit, Kadri Veselit dhe Rexhep Selimit, miratoi pjesërisht masat e kërkuara nga prokuroria, që kufizojnë komunikimet e ish-krerëve të Ushtrisë Çlirimtare të Kosovës në Qendrën e Paraburgimit në Hagë. Kufizimi, sipas prokurorisë, u ndërmor si përgjigje për “kërcënimet ndaj integritetit të procesit”. “Zyra e Prokurorit të Specializuar e ndërmori këtë hap si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, si dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët”, u tha në një deklaratë për shtyp. Sipas prokurorisë, tre të akuzuarit përdorën vizita jo të privilegjuara “për të shpërndarë në mënyrë të paligjshme informacione konfidenciale dhe, në rastin e Thaçit, për t’u dhënë instruksione vizitorëve në mënyrë të përsëritur që të kërkojnë të manipulojnë dëshmitë e dëshmitarëve”.
Trupi gjykues, në krye me Charles Smith, vendosi më 1 dhjetor se vizitat jo të privilegjuara personalisht për tre të akuzuarit do t'i nënshtrohen miratimit paraprak nga regjistruesi. Trupi gjykues vendosi se “aty ku është e nevojshme, sekretari duhet të konsultohet me Zyrën e Prokurorit të Specializuar për të përcaktuar nëse ka të dhëna se një individ i caktuar ka kryer ose mund të angazhohet në sjellje të papajtueshme me kërkesën e tij për një vizitë jo të privilegjuar te një prej të akuzuarve”. Në vendim thuhet se të akuzuarit mund të kundërshtojnë para Panelit vendimin për të refuzuar një vizitë, brenda shtatë ditësh nga njoftimi për refuzim.
Trupi gjykues vendosi që të akuzuarit nuk mund të hyjnë në dhomën e vizitave me dokumente apo materiale të natyrës konfidenciale. Gjithashtu, u mor vendim që të gjithë të paraburgosurit dhe vizitorët duhet të komunikojnë me zë të ngritur dhe jo fshehtazi, duke pëshpëritur apo duke përdorur gjuhë të koduar.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Thaci#Hage
