Pas 24 orësh nga ndërhyrja kirurgjikale e kryer në Qendren Spitalore Universitare “Nënë Tereza”, kryeministri Edi Rama ka lënë ambientet e spitalit.
Kryeministri pas miratimit nga ekipi i mjekëve është larguar nga Reanimacioni i QSUT-së rreth ores 06 të mëngjesit të së Martës. Gjendja e tij postoperatore konsiderohet e mirë, ndaj edhe është lejuar që trajtimin ta vijojë në kushte shtëpie.
Rama iu nënshtrua ndërhyrjes për heqjen e apandecitit akut përmes laparaskopisë gjatë së Hënës.
Pas ndërhyrjes Shefi i Kirurgjisë në QSUT, Arben Gjata së bashku me ekipin e mjekëve që kryen operimin u shprehen se pacientët rikuperohen brenda pak ditësh pasi ndërhyrja me laparoskopi është më moderne se ajo me bisturi.
Ai u vizitua në spital nga të afërm dhe bashkëpunëtorë, ndërsa pas daljes falenderoi mjekët dhe ata që u interesuan për shëndetin e tij.
“Një falenderim nga zemra kujtdo prej jush që këto ditë është interesuar për shëndetin tim. Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falenderuar mjekët e infermierët për përkujdesjen e tyre. Besoj se do të kthehem shpejt mes jush dhe edhe njëherë shumë faleminderit për mbështetjen tuaj.”
Operimi për heqjen e apendicitit akut u krye në ditët e para të fushatës së 14 Majit dhe mbetet për t’u pare se kur Kryeministri Rama do t’I rikthehet takimeve me kandidatët e Bashkive të vendit.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
