Date 13 July 2022 ni in (L) Tv.Thangbiaklian Guite, S/o Paumuan Guite. Diphu khua a om in mual hon liamsan hi. Amah ahih leh 2017 apan in Living Hope Choir member a pang in, 2019-2022 June tan ah Asst.Secretary naa ginom leh muanhuai takin len hi.

"Kumsawt Vakna Gam Nunnuam.". chih laa, Rev. Thangngur phuah Pathian thupina hi ding leh, (L) Tv. Thangbiaklian Guite theih gigena hi ding in ka laan uhi.

Thangbiaklian Guite Pathian phat a Tangthupha tangkoupih ding leh midangte a ding a Vualzawlna hi laiding a, ki lametna liantak mai ka neihlai un Tangtawn bukim na gam zuan in hiai leitung pakbang na vulsanta mo Khamuang in tawldamta in. Nung chiang ngailou in, Kum sawt vakna gam nunnuam ah hon na ngak un mo.
---------------------------

Living Hope Choir official channel a laa music video hon etsak a Like leh Subscribe na hon bawlsak kia uh himailou a hanthawn nathu na hon khak zelte uh ziak in ka kipak uhi. Bangkim ah PATHIAN in thupina tang hen lan Salam leh Khalam Vualzawlna Toupan hon pechiat hen.

Living Hope choir in Pathian gam nnasepna ding a Laa kibawlte khempeuh CHANNEL dang a tuahsawn phallouh ahi.


Kumsawt Vakna Gam Nunnuam
Rev. Thangngur

Ka kipahna pak a vulta,
Ka ngaihte sihna'n mual liampihta;
A nuachiang uh vangkhua ngui ah,
Kap in kei hambang ka vai;
A tunna ding uh ka ngilh theilou hi. D.S.

Malbang ka kou a sulhei lou,
A aw un lenmual a khumzouta ;
Manawh Mang Immanuel' gam,
Kumsawt vakna gam nunnuam,
Tua ah nung ngailou ngabang leng uhi. D.S.

Khawvel in lah hon dawn theilou;
A sung ah sunchin naubang kap ing;
Salem thak ka Mang khawpi leh,
Lungtuakte ka muh ma'n jaw,
Lungkham naubang kah bang thei kei ning e. D.S.

I kal ah Jordan chiautui luang,
Leimi siam long in galkai theilou;
Mial nuai ah kap in k'on ngak uh,
Aw Mang Jesu, hong nai in,
Van long in Jordan gal kai nuam ing e. D.S.

свернуть