Иқтисодчи, ёзувчи ва журналист Зулфия (Сильвия) Назар дунё бўйлаб машҳур бўлган "Beautiful Mind" асари муаллифи.
Германияда туғилиб ўсган, бир оз муддат Туркияда ҳаёт кечирган ва ҳозир Америкада яшаб, ижод қилаётган Зулфия Назар Туркистон озодлиги йўлида умрини бахшида этган ўзбек ўғлони, асли марғилонлик - Рўзи Назарнинг қизи.
Зулфия Назарнинг Beautiful Mind - яъни "Ажойиб ақл: математика даҳоси ва Нобел мукофоти соҳиби Жон Нешнинг ҳаёти" асари 1994 йилнинг Иқтисодиёт бўйича Нобел мукофоти совриндори Жон Неш ва рафиқасининг ҳаётига бағишланган.
Зулфия Назар 1989 йили ўқувчиларининг эътиборига ҳавола этган мазкур асар форсча, туркча, русча ва ҳиндча дохил ўттиздан ортиқ хорижий тилларда ҳам нашр этилган ва Оскар мукофотига лойиқ деб топилган режиссёр Рон Ҳовард томонидан ишланган фильмга ҳам асос яратган.
Ушбу китоби учун Зулфия Назар Адабий танқидчилар миллий гильдиясининг "Энг зўр тарижимаи ҳол учун" мукофотига лойиқ деб топилади ва яна Пулитцер мукофотига ҳам номзоди қўйилади.
2001 йилда Зулфия Назарнинг шу номдаги асари асосида Рон Ҳовард томонидан суратга олинган "Beautiful Mind" бадиий фильми 4 йўналиш бўйича кино санъатининг энг олий - Оскар мукофотини қўлга киритади.
Ўзбек тилига "Тафаккур ўйинлари" деб таржима қилинган ушбу ажойиб фильм ҳақида қисқача "Файзбоғ" да танишинг.
![](https://i.ytimg.com/vi/pIIvi1eMgIE/maxresdefault.jpg)