Dosja për ish-ministrin e Mbrojtjes Fatmir Mediu, i cili është nën hetim për tragjedinë e Gërdecit është dërguar në Gjykatën e Posaçme për Korrupsionin dhe Krimin e Organizuar. Gjykata e Lartë ka revokuar këtë të martë vendimin e pushimit të çështjes dhe njëkohësisht ka shpallur moskompetencën duke dërguar aktet pranë Gjykatës së Posaçme, që do të thotë se menjëherë sapo aktet të dorëzohen në GJKKO, ajo duhet të shprehet brenda një muaji nëse do t’i japë apo jo leje SPAK-ut për të nisur hetimet për ish ministrin e Mbrojtjes. Po ashtu me vendim e Gjykatës së Lartë dosja e Gërdecit konsiderohet e hapur dhe në varësi të vendimit që do të jepet në hetim mund të përfshihen edhe persona të tjerë. “Dosja Gërdeci” është një ndër çështjet e pazbardhura nga drejtësia shqiptare, ndërsa pas shumë vitesh pak javë më parë u ngjall një shpresë për të hedhur dritë mbi dosjen, pasi SPAK i dërgoi një kërkesë Gjykatës së Lartë për rifillimin e hetimeve për ish-ministrin e Mbrojtjes, Fatmir Mediu. Ajo që ka vënë në lëvizje drejtësinë me përpjheket e saj të vazhdueshme për rihapjen e hetimeve është Zamira Durda, një prej personave të prekur nga tragjedia e gërdecit ku humbi djalin 7 vjeç, mes 26 viktimave të tjera. Pas rihapjes së hetimit SPAK ka pohuar se ekzistojnë të gjitha shkaqet ligjore për revokimin e vendimit të pushimit të çështjes penale ndaj shtetasit Fatmir Mediu, vendim i marrë në shtator të 2009 nga Kolegji Penal të Gjykatës së Lartë. Në ndryshimet kushtetuese të realizura përmes reformës në drejtësi përcaktohet se “deputeti nuk ka më imunitet parlamentar për ndjekjen penale ndaj tij, për hetimin apo për gjykimin e tij” që ia mundësuan SPAK rihapjen e hetimeve ndaj zotit Mediu. Për vrasjen e 26 viktimave në Gërdec, Prokuroria e Përgjithshme kishte përfshirë në padinë e saj edhe ish ministrin e Mbrojtjes Fatmir Mediu. Hetimi ndaj tij u realizua pasi Kuvendi në vitin 2008 dha lejen që Mediu si deputet të hetohej. Por pas zgjedhjeve të vitit 2009, u gjet një procedurë për ta shpëtuar Fatmir Mediun nga përgjegjësia.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Gerdeci#Hetimi#TopChannel
