საქართველოს წყალბურთელთა ეროვნული ნაკრები დღეს მსოფლიო ლიგის მეხუთე რაუნდის შეხვედრას გამართავს.
იოვან პოპოვიჩის გუნდის მეტოქე მსოფლიოს ჩემპიონატის მოქმედი ბრინჯაოს პრიზიორი საბერძნეთის ეროვნული ნაკრები იქნება.
შეხვედრა თბილისში, სპორტკომპლექს "ოლიმპიკში" 18 საათსა და 30 წუთზე დაიწყება. შეხვედრაზე დასწრება თავისუფალია. მატჩის პირდაპირ ტრანსლაციას საზოგადოებრივი მაუწყებლის პირველი არხი შემოგთავაზებთ.
