Vətənə xəyanət ittihamı ilə həbs olunan, daha sonra isə döyülərək öldürülən hərbçi günahı sübuta yetirilmədiyi üçün bəraət alıb.
Süleyman Kazımov hərbi təlimçi kariyerası boyunca rütbədən-rütbəyə qalxmışdı. O, Ağdamın N saylı hərbi hissəsində batalyon komandiri vəzifəsinə yüksələrək 6 il çalışıb. Daha sonra Tərtərə təyin edilən 34 yaşlı Kapitan Kazımov 500-dən çox əsgər üzərində təlim-tərbiyə işləri üzrə komandir müavini rütbəsində idi.
Ancaq bu uğurlar qısa zamanda bitib. 2017-ci ilin mayında S.Kazımov 200 nəfərə yaxın hərbi və mülki şəxslərlə birgə həbsxanaya atılır. Azərbaycan hökuməti iddia edirdi ki, həbs edilən şəxslər Ermənistan kəşfiyyatına xidmət göstərib, onlara məxfi məlumatlar ötürüblər.
Aparılan əməliyyatların məxfi olduğunu deyən DTX rəisi Mədət Quliyev bildirib. Sitat: “Təbii ki, bir sıra dövlətlər bu kimi yırtıcı cəsusları işlədir. Dövlətin hüquq-mühafizə orqanları bununla mübarizə aparır". Sitatın sonu.
Baş prokuror Zakir Qaralov isə bildirib ki, casus şəbəkəsi Müdafiə Nazirliyinin rəhbərliyi tərəfindən ifşa olunub.
Həbslər zamanı aparılan sorğuların ciddi işgəncələrlə müşayiət olunduğu, həbs edilənlərin çoxunun öldürüldüyü bildirilir. Ölü sayı isə məlum deyil.
Məlum olan kapitan Süleyman Kazımovun ötən il mayın 7-də Mingəçevirdəki hərbi hissədə ölənədək döyülməsidir. Buna baxmayaraq, S.Kazımovun Cəlilabadda yaşayan ailəsinə onun avtomobil qəzasında həlak olduğu deyilib.
Kazımovun adının çəkilməsini istəməyən qohumu deyir ki, instintaq əməliyyat qrupunun üzvü, ədliyyə mayoru Hümmət Məmmədov onlara Süleymanın ölümünün anlaşılmazlıqdan olduğunu deyib. Onun ölümü ilə bağlı 3 zabit təqsirləndirilsə də daha sonra bu haqda heç bir məlumat verilmir.
2015-ci ildə ailə həyatı quran Kazımovun iki uşağı var. Ölümündən sonra ailəsinə 11 000 manat sığorta pulu verilməklə yanaşı, onlara həmçinin, kapitanın aylıq əmək haqqısı 1050 manat da verilməkdə davam edir.
2017-ci ilin dekabrnda Kazımovun həyat yoldaşına hərbi prokurorluqdan məktub gəlir. Məktubda yazılır ki, Kazımovun ittiham edildiyi cinayət əməli sübuta yetirilməyib, bu səbəbdən də cinayət işinə xitam verilib.
Kanala abunə ol - [ Ссылка ]
WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]
__
Xəbərdən çox xəbər var. #çəkgöndər yayımlayaq #whatsapp : +49 176 16263646
