Հունվարի 2-ին տեղի է ունեցել Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիբ Էրդողանի հեռախոսազրույցը: Նրանց հերթական հեռախոսազրույցը տեղի է ունեցել Ռուսաստանի նախագահի և ԱՄՆ նախագահ Ջո Բայդենի դեկտեմբերի 31-ին տեղի ունեցած հեռախոսազրույցից հետո և ինչպես հայտնում է Կրեմլի մամուլի ծառայությունը, դրա ընթացքում ի թիվս միջազգային այլ հարցերի, քննարկվել են նաև Ռուսաստանի անվտանգությունն ապահովելու համար մշակված այն պայմանագրային նախագիծը, որը Ռուսաստանը ներկայացնում է ԱՄՆ-ին: Ինչպես հայտնի է, դրանով Մոսկվան առաջարկում է նաև պայմանավորվել գրավոր, որ ՆԱՏՕ-ն չի ընդլայնվի դեպի արևելք, այդ թվում հետխորհրդային այն հանրապետություններ, որոնք առ այսօր չեն անդամակցել ՆԱՏՕ-ին:
#rusastan #turkia #amn
