Маңғыстау облысында алғаш рет Дүниежүзілік үкіметтік емес ұйымдар күні аталып өтті. Мереке қарсаңында аймақ басшысы қоғамдық ұйым ардагерлерін марапаттап, азаматтардың әлеуметтік мәселелерді шешуге ерекше көңіл бөліп жатқанын атап өтті. Соның нәтижесінде Маңғыстау облысындағы ұйымдар жастар саясаты, халықтың әлеуметтік аз қамтылған тобын қолдау мен білім беру саласындағы қызметтерді белсенді үйлестіріп отырғанын атады.
Салтанатты шара барысында облыс әкімі Нұрлан Ноғаев азаматтық қоғамның дамуына үлес қосып жүрген ардагерлерді мерекелік медальмен марапаттады. Олардың қатарында 25 жыл бұрын үкіметтік емес ұйым ашып, мектеп бағдарламасына экономика пәнін қосуға ат салысқан Жақсыгүл Маханбетова да бар. Оның айтуынша 20 жыл ішінде мұндай ұйымдар қоғам мен билік арасында диалог құру мәдениетін қалыптастырған.
ЖАҚСЫГҮЛ МАХАНБЕТОВА, «Маңғыстау» жергілікті бастамалар орталығы» қоғамдық қорының директоры:
– Шындығында қоғамдық ұйымдар бүгін ашылып, ертең жабылып қалатын емес, олар кәдімгі тұрақты бірнеше жылдан бері қоғамның мәселесімен айналысып келе жатқан ұйымдар. Пайда табуды көздемейді, олардың басты мақсаты қоғамдағы мәселенің шешілуіне ықпал ету, шешімін таппай жатқан мәселелерді көтеріп, оны билікке жеткізу.
Сондай-ақ, былтыр өңірде алғаш рет қоғамдық ұйымдардың әлеуетін арттыру мақсатында гранттық қаржыландыру тетігі енгізілген. Облыста соңғы бес жылмен салыстырғанда әлеуметтік маңызы жоғары жобаларды қаржыландыру 43,6 пайызға артқан. Өткен жылы 47 әлеуметтік жобаға 406 миллион теңге бөлінсе, биыл қаржы көлемі 602 миллион теңге болып отыр.
НҰРЛАН НОҒАЕВ, Маңғыстау облысының әкімі:
– Былтырдан бері гранттық қаржыландыру мәселесі шешіліп келе жатыр. Өздеріңіз көрдіңіздер таныстырылымдағыдай қаржыландыру мәселесі де және де қаржыландырылған жобалардың және сол жобаларға қатысқан азаматтардың, қолдау көрген азаматтардың саны жылдан жылға артып келе жатыр.
Аймақ басшысы Нұрлан Ноғаевтың өзі жаһандық мәселелерді шешуде үкіметтік емес ұйымдардың рөлі зор екенін, әрі мемлекеттік істерді басқаруға азаматтық қоғамдық институттардың қатысу деңгейі артқанын айтып отыр.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Ещё видео!