Rreth 150 të burgosur, që vuajnë dënimin në burgun e Peqinit kanë hyrë në grevë urie qe një ditë më parë. Burimet nga burgu i Peqinit bëjnë me dije se ata kanë refuzuar ushqimin, pasi nuk u lejohen takimet e zgjeruara. Si pasojë e situatës së covid-19 dhe sipas kufizimeve që vijojnë të jenë në fuqi ata mund të takohen vetëm me familjarët e afërt dhe asnjë person tjetër. Kjo nuk është hera e parë që në burgun e sigurisë së lartë në Peqin, zhvillohet një grevë urie nga të dënuarit si pasojë e kufizimeve nga koronavirusi. Vitin e kaluar ata sërish kundërshtuan mungesën e takimeve me familjarët dhe avokatët e tyre për shkak të kufizimeve për shkak të pandemisë.Po ashtu më shumë se një vit më parë 400 të dënuarite këtij burgu kanë protestuar dhe më pas hynë edhe në grevë urie për aplikimin e regjimit “41-biss”. Ndër të tjera, të burgosurit e burgut të Peqinit në atë kohë I drejtuan Ministrisë së Drejtësisë 13 kerkesa, ku kërkonin, amnisti gjithë përfshirëse 5 vjeçare, pa kritere. Burgimi i përjetshëm sipas tyre, duhet të përcaktohet me vite si në Bashkimin Europian dhe të jetë 20 vite. Kujtojmë se në burgun e sigurisë së lartë në Peqin vuajnë dënimin persona me rrezikshmëri të lartë për vepra të rënda penale.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Peqin#Greve#TopChannel
![](https://i.ytimg.com/vi/phY0caKQFQA/maxresdefault.jpg)