Të paktën 51 persona kanë humbur jetën dhe 20 janë plagosur pas një shpërthimi në një minierë qymyri në lindje të Iranit, raportojnë mediat iraniane. Agjencia shtetërore iraniane tha se një rrjedhje metani shkaktoi shpërthimin në mbrëmjen e 21 shtatorit në minierën në Tabas, rreth 540 kilometra në juglindje të kryeqytetit, Teheran. Besohet se 44 minatorë janë ende të bllokuar brenda galerive. Rreth 70 persona ishin duke punuar në minierë kur ndodhi shpërthimi. Presidenti i ri reformist i Iranit, Masud Pezeshkian, i cili po përgatitej të udhëtonte për në Nju Jork, ku do të merrte pjesë në punimet e Asamblesë së Përgjithshme të OKB-së, tha se ka urdhëruar që të bëhen të gjitha përpjekjet për të shpëtuar të bllokuarit dhe për të ndihmuar familjet e tyre. Ai gjithashtu njoftoi se ka nisur një hetim për incidentin. Një prokuror lokal tha se “akumulimi i gazit në minierë” e ka bërë të vështirë operacionin e kërkimit. “Aktualisht, prioriteti është të ofrojmë ndihmë për të plagosurit dhe të nxjerrim njerëzit nga rrënojat”, tha ai duke shtuar se “neglizhenca dhe përgjegjësia e agjentëve përkatës do të trajtohen” më vonë.
Irani, një vend prodhues nafte, është gjithashtu i pasur me një sërë mineralesh. Irani konsumon rreth 3.5 milion ton qymyr në vit, por nxjerr vetëm rreth 1.8 milion ton nga minierat e tij. Pjesa tjetër importohet, shpesh për t'u përdorur në uzinat e çelikut të vendit. Kjo nuk është fatkeqësia e parë që godet industrinë minerare të Iranit. Vitin e kaluar, një shpërthim në një minierë qymyri në qytetin verior Damghan vrau gjashtë persona, gjithashtu si pasojë e mundshme e një rrjedhje metani. Në vitin 2013, 11 punëtorë humbën jetën në dy incidente të ndara minierash. Në vitin 2009, 20 punëtorë u vranë në disa incidente. Në vitin 2017, një shpërthim në një minierë qymyri vrau të paktën 42 persona. Standardet e dobëta të sigurisë dhe shërbimet e pamjaftueshme emergjente në zonat minerare shpesh fajësohen për viktimat.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Shperthimi#Miniere
