Сирия армиясы 175 исламшыл бүлікшінің көзін құртқанын хабарлады. Олардың басым бөлігі шетел азаматтары болып шыққан. Операцияны Башар Асад режимін қолдаушы «Хезболланың» шиит тобы жүзеге асырды. Ливанның "Әл-Манар" телеарнасының хабарлауынша, бүлікшілер Дамасктың Шығыс Гута ауданында қоршауға алынған. Операцияға қатысты толық мәлімет жарияланбай отыр. Сирияда 2011-ші жылдан бері жалғасып келе жатқан қарулы қақтығыстан 130 мыңнан астам адам көз жұмды. 5 милллионнан астам сириялық шекара асып кеткен. Елдегі жағдай Сириямен шекаралас мемлекеттердегі ахуалға да кері әсерін тигізуде.
![](https://i.ytimg.com/vi/prk9B-PTmfE/mqdefault.jpg)