TÜRKİYƏ İSTANBULDAN İBARƏT DEYİL! Türkiyənin İstanbul qədər gözəl gəzməli şəhərləri
Necə ki, bir zamanlar orta əsrlərdə Avropada “Turquerie-Türköri” Osmanlı rüzgarı əsirdi, artıq bir müddətdir ki, dünya turizmində də “Türk turizmi” cərəyanı yayılmaqdadır.
Bu günlərdə qarşıma məşhur pianoçu Fazıl Sayın hərarətlə Türk Marşını (Rondo Alaturka) ifa etdiyi video çıxdı. Motsartın 1783-cü ildə Avropada əsən Osmanlı rüzgarının təsiri ilə bəstələdiyi bu musiqi əsəri, həqiqətən də, Osmanlı elementləri ilə yoğrulub. Motsartın belə bu rüzgara qapılmasına səbəb nə idi? Orta əsrlərdə Osmanlı həmişə şərqin mistikasını daşıyan “orta doğu” kimi Şərqlə Qərbi birləşdirən körpü rolunu oynayırdı. Saraylarda, ballarda, portretlərdə Osmanlı geyimlərində boy göstərən zadəganlar arasında bu hal dəb almışdı. Bu torpaqların coğrafi mövqeyi həm siyasi, həm iqtisadi həm də mədəni baxımdan önəm daşıdığından həmişə diqqət mərkəzində olub və bu diqqət hər keçən gün bir az daha artmaqdadır. Bir zamanlar balları bəzəyən Osmanlı geyimlərini, türk qəhvəsini, Anadolu xalılarını bu gün insanlar öz gözləri ilə görmək üçün Türkiyəyə gəlirlər. Fransadan olan turistlər bu ölkəni ərəb ölkəsi kimi tanıyırlar, ərəblər üçün isə Avropa ölkəsidir. Almanlar üçün uyğun qiymətə xidmət təklif edən yaxın qonşu, ingilislər üçün isə isti iqlimi olan ölkə. Yəni, hər kəs bu zənginlik arasında özünə lazım olan parçanı tapa bilir.
Türkiyə deyərkən, ağıllara gələnlər arasında, sözsüz ki, İstanbul ilk yerlərdə gəlir. Qədim sivilizasiyaların izlərini daşıyan şəhərin müasirliklə vəhdəti İstanbula əsrarəngiz sima verir. İki imperatorluğun - Bizans və Osmanlının mədəniyyət və tarixini özündə cəmləyən şəhər qərb və şərq üslublu memarlıq abidələrini sərgiləyən qalereyanı xatırladır. Bir tərəfdə Roma imperatorluğundan yadigar qalan Aya Sofya məbədi, Qalata Kulesi, Bozdoğan (Venis) Kəməri, Kız Kulesi, bir tərəfdə Osmanlının Top kapısı, Sultan Ahmet camisi, Dolmabahçe Sarayı. Bir tərəfdə Konstantinopol, bir tərəfdə İstanbul...
istanbul
Bu gün 16 milyona yaxın əhalisi ilə bu meqapolis bir çox ölkəni geridə qoyur. Turizmin Türkiyədə yüksək səviyyədə inkişafı təkcə İstanbula ildə minlərlə turistin gəlməsinə səbəb olur. Əgər İstanbuldasınızsa, zamanınızı gözəl keçirmək üçün sizə uyğun turlar, tədbirlər, sərgilər, konsertlər, gəzintilər tapacağınıza əmin ola bilərsiniz. Qapalı Çarşı, Eminönü, Cahangir küçələri şəhəri sizin üçün unudulmaz edəcək. İstanbuldan həmçinin, Böyük Adaya turlar təşkil edilir. Bununla, qonaqlar vapur keyfi də yaşamış olurlar. Möhtəşəm Boğaz mənzərəsi, Haydar Paşa Dəmiryolu Vağzalının şəhər siluetində özəl yeri var. Ümumiyyətlə, iqlimi, qiymətlərin münasib olması, yüksək otel xidmətləri, uzun turizm sezonu, xidmət-qiymət tarazlığı ölkənin dünyanın dörd bir tərəfindən turist qəbul etməsinə səbəb olur. Elə buna görədir ki, 2020-ci il üçün satışlar artıq başlayıb.
Qardaş ölkənin daşı, torpağı qızıl olan İstanbulundan başqa digər şəhərləri də görülməyə dəyər turistik yerlərə sahibdir. Gəlin, bir-birindən gözəl Türkiyə şəhərlərinə nəzər salaq.
___________
📢 Səyahətçi - ölkəmizi və dünyanı qarış-qarış gəzmək istəyən səyahətçilərin online bələdçisidir.
🔔 [ Ссылка ]
💡 Siz də təşkil etdiyiniz turları, səyahət yazı və fotolarınızı, satdığınız əşyaları və s. saytda dərc etməyimiz üçün bizə göndərə bilərsiniz.
🎯 Fəaliyyət sahəmiz:
📌 Turizm xəbərləri: [ Ссылка ]
📌 Ölkədaxili və ölkəxarici turlar: [ Ссылка ]
📌 Dünyanı kəşf edəcəyiniz bloq yazıları: [ Ссылка ]
📌 Səyahət üçün avadanlıqların satışı: [ Ссылка ]
📌 Səyahət, istirahət və gəzməli məkanlar: [ Ссылка ]
📌 Səyahət etmək üçün nəqliyyat: [ Ссылка ]
📌 Bələdçilər;
📌 Və s.
✅ Bizi izləyin:
🌐 Veb-sayt: [ Ссылка ]
🖥️ Facebook: [ Ссылка ]
📱 İnstagram: [ Ссылка ]
🕊️ Twitter: [ Ссылка ]
❓ Sualınız yaranarsa, buyurun.
Ещё видео!