Əliağa Kürçaylı - Gedək üzü küləyə
Bəstəkar - Emin Sabitoğlu - Təhminə filmi
Sevgilim, tut əlimdən,
Gedək üzü küləyə.
Rahatlıq gəzmirəm mən,
Gedək üzü küləyə.
Qoy göynəsin üzümüz,
Qoy yaşarsın gözümüz,
Bükülməsin dizimiz,
Gedək üzü küləyə.
Yollarda daş-kəsək var,
Yollarda gül-çiçək var.
Yollarda qar-külək var,
Gedək üzü küləyə.
Biz axşamla, səhərlə,
Gəl, üzləşək hünərlə.
Günlərlə, həftələrlə,
Gedək üzü küləyə...
Ещё видео!