Dərdin bir ayrı yandırır
Xəyalın güldürür məni
Mən səninçün darıxmışam
Darıxmaq öldürür məni
Sevgi kədər diyarıdır
Baxma ömrün baharıdır
Sən öldürsən dərd yarıdır
Darıxmaq öldürür məni
Mən ölmərəm köç olmasa
Xəyallarım puç olmasa
Yuxuma gəl heç olmasa
Darıxmaq öldürür məni
Ruh nə cür bədənsiz olsun
Məzarsız, kəfənsiz olsun
Sənlə olsun, Sənsiz olsun
Darıxmaq öldürür məni
Gözəlliyin ayrı məna
Kipriyin ox, gözün şəhla
Nəfəs gedir, gəlir, amma
Darıxmaq öldürür məni
Müəllif: Samir Cəbrayıllı
Diqqət! müəllif hüquqları qorunur!!!
------------------------------------------------------
#baku #nefes #azerbaijan #youtube #poetry
