په تیرو څو ورځو کې د بدخشان ولایت ګڼ شمېر اوسېدونکو د طالبانو حکومت د ځینو پرېکړو خلاف لاریونونه پیل کړي دي. په ټولنيزو رسنيو کې خپرې شوې ویډیوګانې ښيي، چې دغه ناندرۍ قومي رنګ لري او ځايي اوسېدونکو چې ډېر يې تاجک او ازبک دي، له يادو ولسواليو د پښتون ټبره طالب ځواکونو د شړلو غوښتنه کړې ده.
یو شمېر اوسېدونکي همدارنګه طالبان په ناوړه چلند تورنوي او وايي چې د دوی کورونو ته ننوتلي دي. طالبان وایي، چې د دغه لاریونونو ریښه د دوی د هغه هڅو پر وړاندې درېدل دي چې غواړي د کوکنارو کښت له منځه یوسي، خو ځایي خلک یې د مخنیولو پر ضد درېدلي دي.

свернуть