#scantv #ekonomi #lajme #viral #trending #fyp #viralcontent

Në kushtet kur çmimet në vendin tonë kanë shënuar rritje të shumta duke u vështirësuar jetesën qytetarëve, qeveria vendos të ndihmojë personat me aftësi të kufizuar me vetëm 1.000 lekë rimbursim. Vendimin e bëri të ditur ministrja e Shëndetësisë dhe Mbrojtjes Sociale, Ogerta Manastirliu, pas mbledhjes së Këshillit të Ministrave.

“Pas indeksimimit me 7.5% për mbështetjen për personat me aftësi të kufizuar, një tjetër vendim është marrë nga qeveria për energjinë elektrike për personat të cilat kanë status të aftësisë së kufizuar, të cilëve u rritet masa e mbështetje për kompensimin e energjisë elektrike. Ata që e kanë këtë masë mbështetje nga statusi shkon nga 2 mijë lekë të reja në 3 mijë lekë të reja. Ndërsa përtë verbërit e kategorisë së dytë nga 1400 lekë në 2400 lekë. Ndërkohë do të dyfishohet pagesa e ndihmës ekonomike edhe për të moshuarit që janë pa pension pleqërie. Duke filluar nga 1 tetori do të dyfishohet ndihma ekonomike për gratë kryefamiljare që kanë dy fëmijë, nga ku do të përfitojnë 5700 gra,’ u shpreh Manastirliu.

Dy javë më parë qeveria vendosi të riindeksojë pensionet me 6%, ndërsa për ata me aftësi të kufizuar me 7.5%. Një tjetër marrëveshje e miratuar në mbledhjen e Këshillit të Ministrave e prezantuar nga zv. Ministrja e Financave Vasilika Vjero ishte edhe ajo e huasë me Bankën Ndërkombëtare për Rindërtim dhe Zhvillim për financimin e projektit për zhvillim urban të zonave turistike. Sipas marrëveshjes, do të lejohet ndërhyrja në zonën e Orikumit dhe Ksamilit për rikualifikim urban dhe ndërhyrje në infrastrukturë.

свернуть