Кузатинг:
[ Ссылка ]
* * *
Сокин кўзларида рақсланар Ишқ,
Оҳимда,
зоримда,
исми намоён.
Ҳар бир нуқтасида аксланар Ишқ,
Бир садойим бордир -
Худога аён.
Руҳнинг пораларин йиғдим неча бор,
Ҳузурига кўнгил келтирдим нолон.
Изтироби - дилкуш,
ҳасратлари - дор,
Бир сазойим бордир -
Худога аён.
Ўзни бунёд қилсам қорачиғинда,
Келар, деб билганим кетди жим қаён?
Басир ҳам кўролмас кўксим ичинда,
Бир аъзойим бордир -
Худога аён.
Менмасдим, ўзига кафан бичмаган,
Устига тупроқни тортмаган исён.
Мен ундан кечгану, мендан кечмаган,
Бир хатойим бордир -
Худога аён.
30 июн, 2020
Р. Б.
![](https://i.ytimg.com/vi/qH0ifK9B_so/maxresdefault.jpg)