ԿՅԱՆՔԻ ԵՎ ՄԱՀՎԱՆ ՃԱՆԱՊԱՐՀ
Երկու ճանապարհ…
Այս բազմազանության դարաշրջանում մարդիկ կարծում են, որ ճանապարհները շատ են և ընտրություն կատարելը երբեմն դժվար է լինում շատերի համար: Մինչդեռ Աստվածաշունչ մատյանը մեզ սովորեցնում է ընդամենը երկու ճանաարհների մասին: Գոյություն ունի երկու ճանապարհ, երկու դռներ և երկու տերեր: Աստծո ճշմարիտ խոսքը մեզ սովորեցնում է, որ ընտրության ընտրանին այդքան էլ բազմազան չէ: եկ միասին նայենք, թե Աստվածաշունչը ինչ է մեզ սովորեցնում այս դռների և ճանապարհների մասին: Դրանք անվանում են «Լայն և նեղ դուռ (ճանապարհ)»:
Մաթ. 7:13-14 - «Նեղ դռնով ներս մտեք, որովհետև լայն է այն դուռը և ընդարձակ այն ճամփան, որ դեպի կորուստ է տանում, և շատ են նրանք, որ մտնում են դրանով: Որովհետև նեղ է այն դուռը և նեղվածք է այն ճամփան, որ դեպի կյանք է տանում, և քչերն են, որ գտնում են այն»:
Առաջ նայենք, թե որն է լայն դուռը կամ ճանապարհը.
1. Այստեղ շատ հեշտ է քայլել – սա կարող է լինել այս աշխարհի բնականոն կյանքը:
2. Աշխարհի ցանկալի գայթակղությունները և մեղքերը: Մեղքը անհնազանդություն է Աստծուն:
3. Վերջը մահ է:
4. Հանգչելու վայրը՝ հավիտենական դժոխք:
5. Տերը հանդիսանում է սատանան:
իսկ հիմա անրադառնանք նեղ դռանը կամ ճանապարհին.
1. Այստեղ համեմատած դժվար է քայլել, որովհետև այս մեղավոր աշխարհում պետք է ապրել Աստվածահաճո կյանքով, որ շատերի մոտ չի հասկացվում:
2. Կա սեր, ուրախություն, խաղաղություն և երջանկություն
3. Վերջը հավիտենական կյանք։
4. Հանգչելու վայրը երկնքում «դրախտ» է լինելու Աստծո հետ միասին:
5. Տերը Հիսուս Քրիստոսն է:
Մաթ. 6:24 «Չեք կարող միևույն ժամանակ երկու տիրոջ ծառայել կամ գտնվել երկու ճանապարհների մեջ»:
Շատերն ասում են՝ մենք ոչ այստեղ ենք, ոչ էլ այնտեղ, այլ մեջտեղում ենք կամ դուրս ենք այս ճանապարհներից: Ըստ Աստվածաշնչի՝ նման բան չի կարող լինել. մենք կամ Աստծուն ենք ծառայում կամ սատանային, ուրիշ տարբերակ չկա: Մենք կարող ենք չհավատալ այս ամենին, բայց սա չի փոխի Աստվածաշնչյան ճշմարըությունը:
Հազարամյակներ շարունակ շատերն են փորձել հերքել այս փաստը, հատկապես դժոխքի գոյությունը, բայց ամեն դեպքում դարեր շարունակ նրանք չեն կարողացել մարդկանց հակառակը ապացուցել:
Ընդամենը մեկ հարց այն մարդկանց, որոնք չեն հավատում, քանի որ հակառակ ապացույցներ չկան, իսկ ի՞նչ, եթե այս ամենը ճշմարիտ է և մեկ օր դուք պետք է կանգնեք Աստծո առջև:
Նեղ դուռը բաց է այսօր բոլոր նրանց համար, ովքեր ցանկանում են ներս մտնել դրանով։ Այդ դռան անունը Հիսուս Քրիստոս է, Նա է դուռը փրկության ճանապարհի, եթե հավատանք նրան, ապա լայն ճանապարհից դեպի նեղ ճանապարհը տեղափոխվելու հնարավորություն կա՝ մահից դեպի կյանք, մեղքից դեպի սրբություն, ատելությունից դեպի սեր, սատանայի իշխանությունից դեպի Աստծո իշխանություն:
