Në 6 muajt e parë të këtij viti, Policia e Shtetit në të gjithë vendin ka arrestua 80 persona me akuzën e kultivimit të drogës, nga 112 që janë proceduar në total. Mes personave të proceduar janë edhe kryepleq fshatrash apo edhe administratorë të njësive administrative në zona të ndryshme. Për policinë, si zona më problematike ka qenë ajo e Malësisë së Krujës dhe e Shkodrës.
Shqetësues për policinë mbetet koha e kultivimit të drogës. Burime pranë policisë sqaruan për ABC News se vetëm në dy muaj, nga maji e deri në mesin e korrikut, janë regjistruar të paktën 40 raste të kultivimit të bimëve narkotike. Veç Malësive të Krujës dhe Shkodrës, sipas të njëjtave burime, kanabisi është kultivuar ndjeshëm edhe ne Fier, Tepelene e Berat.
Burimi nga policia e shtetit i tha Abc News se vetëm në muajt maj dhe qershor të këtij viti, nga kontrollet në të gjithë vendin janë asgjësuar rreth 25 mijë bimë kanabisi. Ndërsa gjatë kontrolleve në të gjithë territorin janë sekuestruar edhe 1647 kg kanabis në doza të vogla.
Po në 6 muajt e parë të këtij viti, policia ka arrestuar 38 persona me akuzën e trafikimit të lëndëve narkotike, nga 40 në total që u proceduan.
Duke e krahasuar me të njëjtën periudhë të një viti më parë, numri i personave të proceduar për trafik narkotikësh është në ulje, 10 raste më pak, nga 50 në total që kanë qenë në vitin 2019./abcnews.al
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
