Егемендік жылдары елімізде атқарылған ауқымды жұмыстарды сыншы келетін сырт көз де үнемі жоғары бағалап жүр.

Еуропадағы қауіпсіздік және ынтымақтастық ұйымының Бас хатшысы Ламберто Заньер: «Қазақстанның жаһандық деңгейдегі бастамаларына қазір әлем жұрты құлақ асады», – дейді.

Айтуынша, халықаралық күн тәртібінде шешімін күткен мәселе көп. Мысалы, радикалды ағымдардың белең алуын, мигранттар мәселесі мен терроризмнің өршуін атауға болады.

«Оларды шешу жолында біз жас та болса, жасампаз мемлекет Қазақстанмен иық тіресе жұмыс істеуге дайынбыз дейді», – Бас хатшы.

Ламберто Заньер, ЕҚЫҰ Бас хатшысы

-Мен Еуропадағы қауіпсіздік және ынтымақтастық ұйымында Қазақстан қалдырған мұраның маңызы туралы айтудан жалықпаймын. Қазақстанның 25 жылда тәуелсіз ел ретінде қол жеткізген жетістіктеріне куә болдық. Қазақстан – Біріккен Ұлттар Ұйымында, сондай-ақ біздің ұйымнан да ойып тұрып орын алған мемлекет. Ұйым жетекшісі ретіндегі өкілеттілігім бітпей тұрғанда 2017 жылы болатын «ЭКСПО» көрмесіне қатысуды көздеп отырмын. Қазақ елі БҰҰ-ның Қауіпсіздік Кеңесіне мүше болып сайланды. Бұл әлемдік қауымдастық Сіздердің елдеріңізді аймақта және жаһандық деңгейде танығанының айқын дәлелі бола алады. Қазақ елі басшысының идеялары өте өзекті. Қазақстанның ядролық қарудан бас тартуы және оны таратпау жолында қосып отырған үлесі әлемдік қауымдастық мүшелері үшін үлгі боларлық бастама деп айта аламын.

свернуть