Талдықорғанда баспаналы болғысы келген мүгедек жанның үй кезегі алдыға емес, керісінше кейін жылжып кеткен. Дәл осы кезектің тізімінде он төртінші болып тұрған Гүлжан Қалдай бірден 3024-і орынға түсіп кетіпті. Өйткені бірінші топтағы мүгедекті әкімдіктегілер тізімнен сызып тастап, баспана кезегіне тұрғандардың жалпы тізіміне тіркеуге қоя салған.
40 жастағы Гүлжан өздігінен жүріп-тұра алмайды. Оның бұлшық еттері тартылып, жылдан жылға солу дертіне шалдыққан. Бірінші топтағы мүгедектің дерті ауыр болғандықтан «созылмалы аурулардың ауыр түрлерімен ауыратын адамдардың» санаты бойынша үй кезегіне тұрған. Дәл осы санат бойынша баспана кезегінде адамдар өте сирек тұрады екен.
ГҮЛЖАН ҚАЛДАЙ, Талдықорған қаласының тұрғыны:
– 2015 жылы 2-ші группамен тұрған болатынмын. Содан кейін бірінші группамен, өте ауыр формамен үй кезегіне тіркеліп, 14-ші кезек болып тұрған кезде мені биылғы жылы баспана кезегінен алып тастады. Қазір 3024-ші кезекке қойып тастадық деп айтты, ол кезекті 20 жылда ма 30 жылда ма қай кезде аламын.
Ал әкімдіктегілер заңға өзгеріс енгізілді. Енді бұдан былай мүгедектер, толық емес отбасылар, аса ауыр аурумен ауыратындар санаты деп жеке-жеке үй кезегіне тұрмайды. Бірнеше санат біріктіріліп, барлығы «әлеуметтік осал» топ деп құрылды. Сол себепті Гүлжан Қордайдың кезегі алдыға емес, керісінше артқа жылжып кетті деді.
НҰРЫМ АЛИҰЛЫ, Талдықорған қалалық ТҮКШ бөлімінің басшысы:
– Осы топқа бірігіп кеткеннен кейін бұл кісінің очереді артқа жылжып кетіп жатыр. Өйткені уақытына қарай, тізімге қойылғаннан бастап қойып келе жатыр. Енді ол кісіге түкте жасай алмаймыз, тек 1-ші 2-ші топтың мүгедегі ретінде бізге доходы несі болса, «Бақытты отбасы» бағдарламасына қатысып, 2 процентпен кредиттік үй алуына болады.
Ал кезегі бастапқыда 14-ші болып, артынан 3024 ші болып шыққан бірінші топтағы мүгедек Гүлжан үй кезегін күтумен жүріп, өмірден өтіп кетемін бе деп қорқады. Себебі, оның бұлшық еті күннен күнге солып жатыр. Жалғызбасты ананың жалғыз қызы бар. Екеуі мына аулада жалға берілетін бөлмелердің бірін 30 мың теңгеге жалдап тұрып жатыр.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#баспана_кезегі #Талдықорған
Ещё видео!