Біздің инстаграм парақшамыз:

[ Ссылка ]==

Ақбота Бейбітбек

Сөзiме сен, сенгендей Құранға шын,
Дәлел iздеп қайтемiз бұған басым.
Жаныңда жүрмесем де әркез бiрге,
Сен менiң дұғамдасың, дұғамдасың...

Жетпесе де қорғауға бiлек күшiм,
Саған қарай ұшады тiлек құсым.
Сенiң жаның ауырса мына менiң,
Сезгендейiн сыздайды жүрек тұсым.

Езуiңе күлгенде күлкi үйiрiп,
Мұңайғанда қабағың құр күйiнiп.
Бөлiскiм-ақ келетiн бәрiн-бәрiн,
Шешiлмейдi бiр түйiн бiр түйiлiп.

Жүргенiммен қолыңа жетпей қолым,
Қайғыма да ауырлық етпейдi оның.
Жүрегiмде мекендеп тұрғаныңда,
Өзгесiне ешқашан жетпейдi орын.

Тiлеуiңдi Тәңiрден сұранғасын,
Көкейiмде тұрмайды күмән басым.
Тосқауылдар болғанмен ұлан ғасыр,
Сен менiң дұғамдасың, дұғамдасың!


Оқыған: Аружан Жұмаш

#tarmaqtar #тармақтар #аудиопоэзия #қазақшапоэзия #өлең #поэзияжүрегімде #махаббатымдыжеткізетінтармақтар #аудиокітап #сезім #махаббат

свернуть