Katër persona janë arrestuar gjatë operacionit “Rrugë e Gabuar”, ku dhe u sekuestruan 100 kilogram kanabis sativa. Të arrestuarit janë tre shtetas nga Velipoja dhe një nga Vau i Dejës; Jozef Ndoci, Aurel Tanushi, Dod Dodani, Nardi Malaj . Të katër këta persona arrestuan në rrugën kombëtare Lezhë-Shkodër. Gjatë kontrollit në pjesën e mbrapme të makinës së tyre "Audi" të parkuar në një pikë karburanti jofunksionale u gjet 100 kilogramë lëndë e dyshuar marijuanë në 7 thasë të zinj plastikë e mbuluar me çarçafë.
Po ashtu në makinë u gjetën edhe dy mostra lënde të dyshuar marihuanë rreth 67 gram. Në shtëpinë e shtetasit Dodani u gjet lëndë e dyshuar narkotike 42,2 gram si dhe fara gjithashtu të dyshuara të bimëve narkotike 179,8 gram. Në cilësinë e provës materiale u sekuestra e tërë lënda e gjetur, dy automjete "Audi" dhe "Merzedes" si dhe katër telefona celularë./abcnews.al
Ещё видео!