Թուրքիայի նախագահ Էրդողանը Ալիևի հետ մասնակցելով Արցախի դեմ պատերազմի հետևանքով ադրբեջանական վերահսկողության տակ անցած տարածքներում օդանավակայանի բացմանը, անդրադարձել է նաև հայ-թուրքական հարաբերությանը: Էրդողանի անդրադարձը հետաքրքիր է մի հանգամանքի առումով: «Անհրաժեշտ է քայլեր ձեռնարկել, որոնք կհամապատասխանեն տարածաշրջանում ստեղծված նոր իրադրությանը: Մենք կողմ ենք կայուն խաղաղությանն ու բազմակողմ հարաբերությունների կարգավորմանը, բայց դրա համար անհրաժեշտ է որոշել պետական սահմանները և փոխադարձաբար դրանք ճանաչել», ասել է Էրդողանը, նշելով, որ չկա հայ-թուրքական հարաբերության կարգավորմանը խանգարող այլ բան:
Էրդողանը մոռացե՞լ է այսպես կոչված «միջանցքի» մասին, որի վերաբերյալ խոսել էր Վրաստանի վարչապետի միջոցով փոխանցված Հայաստանի վարչապետի հայտնի առաջարկի մասին բարձրաձայնելիս: Գործ ունենք ծերունական մոռացությա՞ն հետ, թե՞ իրավիճակի փոփոխության, երբ Էրդողանի համար հայ-թուրքական հարաբերության կարգավորման խնդիրը միայն Հայաստան-Ադրբեջան սահմանների ճշգրտումն ու փոխադարձ ճանաչումն է: Եվ արդյո՞ք սահմանների ճանաչման մասին խոսելով, Թուրքիայի նախագահը չի ակնարկում, որ Թուրքիայի համար հայ-թուրքական հարաբերության կարգավորման գլխավոր խնդիրը այն է, որ Հայաստանը ճանաչի Թուրքիայի հետ փոխադարձ սահմանը:
Նյութի աղբյուր՝ 1in.am
#lurer #hayastan #adrbejan #turkia #vrastan #rusastan #paymanagir #zangezurimijanck #putin #aliev #pashinyan #erdoxan
