şeir: Mədinə Əliyeva
səs: Xəzər Süleymanlı
piano: Maho Music

Bir gün də ömrümdən beləcə keçdi sənsiz
Mən indi hər gün damla-damla ölürəm sənsiz
Bu şəhər sən varikən bir şeirdi, yoxdu mənası sənsiz
Xəyallarımı da göz yaşlarım yuyub apardı sənsiz…


Daha soraq gətirmir səndən dəli küləklər
Sanki zülmətə bürünüb bütün şəhər, bütün küçələr
Sahili də boş görüb çırpındı dəniz sənsiz
Lal olub indi sevincim ağlamır, gülmür sənsiz…

Gecələr seyrə çıxıb dağ dərəni sorağınla
Qalıram baş-başa mən hey fikrinlə, xəyalınla
Həsrətindən könül evim yanar odlara sənsiz
Parçalanar dərdli könül , parçalanar yenə sənsiz…

Dözməyib həsrətinə hər gecə fəryad edərəm
Ömrümü bil ki, senin yoluna qurban edərəm
Tapmaram mən səadət bil ki, dünyada sənsiz
Ulduzlu göylərə mən bir daha baxmaram sənsiz…

Sənsiz çiçəklər açmasın, axar sular dayansın
Ruhum tərk etsin məni, səmalara ucalsın
Ömrümə gəlməsin bahar, doğmasın günəş sənsiz
Dönməsin dünya daha, dayansın heyat sənsiz…

#xezersuleymanli #xəzərsüleymanlı

Facebook: [ Ссылка ]

İnstagram: [ Ссылка ]...

Tik-tok: [ Ссылка ]

Telegram: [ Ссылка ]

свернуть