Lobya bitkisi təsərrüfatçılara 2000 manat gəlir gətirir
200-dən çox növü olan lobyanın ölkəmizdə yalnız 18 növü becərilir. Cənub bölgəsində təsərrüfat sahibləri əsasən yerli “piyada”, “zülal”, “sevinc”, “isa 203”, “saksalifsiz” sortlarına üstünlük verilirlər.
Lənkəranda bəzi torpaq sahibləri lobya bitkisinin toxumunu hazır şəkildə bazarlardan alırlar. 30 ilə yaxındır ki, tərəvəz məhsulu əkib-becərən Tofiq Məlikov isə məhsuldarlığı ilə digər sortlardan seçilən yerli “piyada” sortunun toxumlarını Lənkəran Bölgə Təcrübə Stansiyasından əldə edib.
Təsərrüfat sahibi ilkin olaraq fevral ayında əkdiyi lobya bitkisinin məhsulunu istixana şəraitində yetişdirib. Mart ayının sonu aprelin əvvəlində isə bitki açıq sahələrə köçürülüb. Bitkilərə düzgün aqrotexniki qulluq da göstərilib. Hazırda bu kənd təsərrüfatı bitkisinin vegetasiya dövrü yay aylarına təsadüf etdiyi üçün suya tələbatı da çox olur.
Lobyanın qiyməti mövsümündən asılı olaraq dəyişir. Becərilmə zamanı çəkilən xərclərin az olması lobya əkininin gəlirliliyini daha da artırır. Orta hesabla hər bir torpaq sahibi bir hektar lobya sahəsindən 1500-2000 manat arası gəlir əldə edir.
Qeyd edək ki, təsərrüfat sahibi lobya yığımını iyul ayının birinci ongünlüyündə həyata keçirəcək.
Ещё видео!