«Сириядағы ахуал әлі де тұрақсыз. Сол себепті гуманитарлық көмекке зәру жандарға қол ұшын созуымыз керек».
БҰҰ-ның Бас хатшысының арнайы өкілі Сириядағы бейбіт азаматтарды қорғау мен гуманитарлық көмекке арналған брифингте осылай деді. Стаффан де Мистура өз сөзінде Астана келіссөздерінің нәтижелері туралы әңгімеледі. Айтуынша, төрт қауіпсіздік аймақ құру – өте маңызды шешім. Сондай-ақ арнайы өкіл Астана процесі Женевадағы келіссөздерді қалпына келтірудің негізі болып табылатынын және сегізінші раундтың қазан айының соңына немесе қараша айының басында өткізілетінін жеткізді.
