şeir: Sənani
səs: Xəzər Süleymanlı
piano: Vüsal Namazlı
Bircə baxışınla, bircə sözünlə,
Səni hiss edirəm, səni duyuram
Nə qədər sən mənim həyatımdasan,
Özümü ən şanslı adam sayıram.
Mənim düşündüyüm, mənim andığım
Könlümü verdiyim bircə qadın var
Ən gözəl anlarda, xatirələrdə,
Sənin izlərin var, sənin adın var.
Sən mənim gecələr yuxularımsan,
Gündüzlər könlümün səcdəgah yeri
Sən mənə sevməyi öyrədən adam,
Sən əvəzolunmaz, əvəzsiz biri…
Mən sənə aşiqəm, sən mənə aşiq
Sən də bu hisslərin divanəsisən
Mən sənin eşqinlə əriyən şəməm
Sən eşqin fədakar pərvanəsisən…
#xezersuleymanli #xəzərsüleymanlı
Facebook: [ Ссылка ]
İnstagram: [ Ссылка ]...
Tik-tok: [ Ссылка ]
Telegram: [ Ссылка ]
![](https://i.ytimg.com/vi/r7exaX0z68Y/maxresdefault.jpg)