Mes Kosovës dhe Serbisë bëhet akoma më e nxehtë situata me një përshkallëzim të tensioneve ndëretnike që po shqetëson komunitetin ndërkombëtar. Kështu shkruan agjencia italiane e lajmeve ANSA, me raportin e saj që përcillet më tej në shumë prej mediave në vendin përtej adriatikut.
Ansa sqaron se mbrëmjen e të shtunës, dy shpërthime u dëgjuan në Zvecan, ndërsa të shtëna me armë zjarri për rreth 10 minuta, u dëgjuan në afërsi të Zubin Potokut, dy nga katër komunat me shumicë serbe në Kosovë.
Këto zhvillime, sipas mediave italiane, konfirmojnë tensionin e lartë ndëretnik që po vlon në veri të kosovës, ku nga pasditja e të shtunës, grupe serbësh që protestojnë kundër arrestimit të një ish polici serb, kanë bllokuar rrugët duke ngritur barrikada. Situata monitorohet nga policia e Kosovës, e shtuar në radhë në ditët e fundit, por edhe nga njësitë e euleksit dhe patrullat e kforit.
Komuniteti ndërkombëtar – shkruan ANSA, është alarmuar për një shpërthim të ri konflikti në zemër të Ballkanit, një rajon me destabilitet kronik dhe politikisht i brishtë ku janë ende të freskëta plagët e konflikteve të përgjakshme të viteve 90. Kancelaritë perëndimore, mbi të gjitha në BE dhe SHBA, kanë shumëfishuar apelet për qetësi dhe në orët e fundit ka ndërhyrë edhe zëvendëskryeministri dhe ministri i jashtëm italian, Antonio Tajani, që ka kontaktuar në telefon me presidentin serb Aleksandër Vucic dhe kryeministrin kosovar Albin Kurti duke lëshuar apele për dialog dhe qetësi. Titullari i Farnezinës, selisë së ministrisë së jashtme, ishte në mision në beograd dhe prishtinë javët e shkuara dhe ka përsëritur vullnetin e Italisë për të luajtur një rol protagonisti në ballkanin perëndimor, për të garantuar atje sigurinë dhe rritjen social-ekonomike. “Stabiliteti i rajonit është një objektiv i italisë dhe evropës”, ka thënë Tajani.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Kosovë#Situata
