Shtetet e Bashkuara në mënyrë aktive po punon për të arritur një marrëveshje me Poloninë për të furnizuar Ukrainën me avionë luftarakë të prodhimit rus, tha Sekretari amerikan i Shtetit, Antony Blinken. Pilotët ukrainas dinë ti përdorin këta avionë dhe Blinken tha se SHBA-ja mund të ofrojë edhe avionë të tjerë për Poloninë si kompensim për dërgesat në Ukrainë. “Ne po shikojmë në mënyrë aktive çështjen e avionëve që Polonia mund t’i ofrojë Ukrainës dhe jemi duke parë se sa mund t’i furnizojmë ne më pas ata, nëse Polonia vendos të dërgojë avionë” në Ukrainë, tha Blinken. “Nuk mund të flas për afate, por mund të them se jemi duke punuar në këtë drejtim në mënyrë shumë, shumë aktive”, shtoi ai. Këto deklarata të Blinken vijnë pas kërkesës që presidenti ukrainas, Volodymyr Zelenksy bëri ndaj ligjvënësve amerikanë. Ai i kërkoi ligjvënësve që SHBA ta ndihmonte Ukrainën me avionë dhe dronë, në mënyrë që të mund të mbrohet më mirë nga forcat ruse. Por ushtria ruse ka paralajmëruar vendet fqinje me ukrainën që të mos e përdorin territorin e tyre për avionët luftarakë të Kievit, duke thënë se Moska mund t'i konsiderojë këto vende si pjesë të konfliktit, nëse avionët ukrainas kryejnë misione luftarake duke u nisur nga territori i tyre. Zëdhënësi i Ministrisë ruse të Mbrojtjes Igor Konashenkov tha se disa avionë luftarakë ukrainas ishin ridislokuar në Rumani dhe në vende të tjera fqinje me Ukrainën, por ai nuk i identifikoi ato. Konashenkov paralajmëroi se nëse këta avionë luftarakë sulmojnë forcat ruse nga territori këtyre vendeve, ky mund të konsiderohet si angazhim i tyre në konflikt ushtarak. Presidenti ukrainas Volodymyr Zelensky u ka bërë vazhdimisht thirrje vendeve të NATO-s që të ndalin sulmin e Rusisë ndaj vendin e tij duke vendosur një zonë ndalim-fluturimi. Por udhëheqësit perëndimorë e kanë refuzuar atë nga frika e një lufte më të gjerë në Evropë. Vendosja e avionëve luftarakë mbi Ukrainë, në rrethanat aktuale, mund të konsiderohej si hyrje e NATO-s në luftë dhe për këtë arsye rrezikon Luftën e Tretë Botërore, tha një ditë më parë edhe Charles Michel, president i Këshillit Evropian.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#MiG#Ukrainë#TopChannel
![](https://s2.save4k.ru/pic/rIKd6njNHXU/maxresdefault.jpg)