Një zjarr që shpërtheu gjatë natës në një ndërtesë pesëkatëshe në Johanesburg, në të cilën kishte shumë të pastrehë, shkaktoi vdekjen e të paktën 73 personave.
Mes viktimave janë 7 fëmijë. Zëdhënësi i Shërbimeve të Emergjencave të Johanesburgut, Robert Mulaudzi, tha se 52 persona të tjerë u plagosën nga pasojat e zjarrit, i cili shpërtheu rreth orës 1 të mëngjesit.
Autoritet në qytetin më të madh të Afrikës së Jugut kanë paralajmëruar se numri i viktimave mund të rritet në orët në vijim pasi dyshohet se shumë trupa mund të jenë bllokuar brenda ndërtesës.
Sipas dëshmitarëve okularë për ti shpëtuar flakëve që përfshin ndërtesën disa persona janë hedhur nga dritaret.
Ende mbetet e paqartë se sa persona ndodheshin në ndërtesë në kohën kur shpërtheu zjarri.
Disa media të huaja shkruajnë se tragjedia mund të ketë ndodhur si pasojë e një zjarri që banorët ndezën brenda ndërtesës për t'u ngrohur. Megjithatë, se çfarë e shkaktoi tragjedinë saktësisht do të zbulohet vetëm pas përfundimit të hetimeve.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!