Биыл күзде кезектен тыс президент сайлауы өткізіледі. Бірақ президент өкілеттілігі мерзімдерінің саны мен ұзақтығы қайта қаралмақ. Қасым-Жомарт Тоқаев Жолдауда Президент мандатының ұзақтығы 7 жыл және тек бір мерзіммен шектеуді ұсынып отыр. Яғни екінші рет сайлануға тыйым салынады.
ҚАСЫМ-ЖОМАРТ ТОҚАЕВ, Қазақстан Республикасының Президенті:
– Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын.
Мемлекет басшысының пікірінше, 7 жыл кез келген ауқымды бағдарламаны жүзеге асыру үшін жеткілікті. Ал шектеу жауапкершілікті арттырып, бастаған ісін аяқтауға, қойылған міндеттерді орындауға сеп болмақ. Бір жағынан, бұл ұсыныс билікті монополизациялау қаупін азайтады деді президент. Яғни, жаңа жүйе саяси тұрақтылықты нығайтып, қоғамдық құрылыстың қазақстандық үлгісін орнықтырмақ. Ал келесі жылдың бірінші жартысында Мәжілістің және барлық деңгейдегі мәслихаттардың сайлауы өткізілуі тиіс. Президент сол арқылы көпшіліктің мүддесін білдіретін депутаттардың жаңа құрамын жасақтауды көздеп отыр. Содан кейін кезек Үкімет құрамына да келеді. Бірақ Президент ұсынысы тек күздегі сайлаудан кейін ғана Парламент қарауына түседі.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#сайлау #ПрезидентСайлауы
