Жиззах шаҳри ҳокимининг биринчи ўринбосари қурилиш бўйича тендерни олиб бериш учун фуқародан 2000 АҚШ доллари олаётган пайти қўлга олинди. Бу ҳақда «Янги давр» дастурида хабар берилди.
Қайд қилинишича, Жиззах шаҳри ҳокими молия-иқтисодиёт ва камбағалликни қисқартириш бўйича биринчи ўринбосари, шаҳар иқтисодий тараққиёт ва камбағалликни қисқартириш бўлими бошлиғи в.б. шахс қўлга олинган. У аслида Жиззах шаҳрида молиявий тизимнинг шаффофлигига, камбағалликни қисқартиришга масъул бўла туриб тадбиркорга шаҳардаги ижтимоий соҳа объектларида амалга ошириладиган қурилиш таъмирлаш ишлари бўйича ўтказиладиган тендер савдоларини олиб бериш эвазига ундан 2000 АҚШ доллари талаб қилган.
Жорий йилнинг 6 май куни кечки соат 20:00 ларда Жиззах шаҳри «Жиззахлик» маҳалласи ҳудудидан 2000 АҚШ доллари миқдоридаги пулни ўзи бошқарувидаги "Gentra" русумли автомашина орқа юкхонасига ташлаб қўйган ҳолда олган вақтида тезкор тадбир иштирокчилари томонидан ашёвий далиллар билан ушланган.
Ещё видео!