E para që reagoi për zgjedhjen e Altin Dumanit në krye të SPAK ishte selia diplomatike amerikane në Tiranë edhe pse nuk mungoi vlerësimi për të dy kandidatët e tjerë në këtë garë, Adnan Xholi dhe Edvin Kondili. Në deklaratën e kësaj ambasade që ishte ndër me aktivet gjatë gjithë procesit për zgjedhjen e pasuesit të Arben Krajës, shprehet padurimi për të punuar me të gjithë ekipin e strukturës së posaçme anti-korrupsionit.
“Presim me kënaqësi të mbështesim zotin Dumani dhe SPAK-un ndërsa ata vazhdojnë luftën kundër korrupsionit dhe krimit të organizuar. Puna e SPAK-ut duhet të vazhdojë të demonstrojë që askush nuk është mbi ligjin. Koha e pandëshkueshmërisë ka marrë fund”.
Por një vlerësim nuk mungoi dhe për anëtarët e Këshillit të Lartë të Prokurorisë për integritetin me të cilin udhëhoqën procesin e zgjedhjes së drejtuesit të ri të SPAK-ut, por dhe për drejtuesin në largim që ishte i pari që drejtoi strukturën e re, që lindi nga Reforma në Drejtësi, reformë të cilën amerikanët e kanë mbështetur dhe që ambasada ripërsërit se do të vazhdojnë ta mbështesin.
“Është thelbësore për institucionet e drejtësisë që të veprojnë me integritet, pa frikë apo favore. Vlerësojmë shumë zotin Kraja për udhëheqësinë dhe përkushtimin e tij si Kryeprokurori i SPAK. Ai vendosi themele të forta mbi të cilat pasardhësit e tij mund të ndërtojnë”.
Kryeministri që gjatë kësaj periudhe është vendosur nën akuzë nga opozita se po përpiqej të manipulonte procesin dhe të vendoste njeriun tij në krye të SPAK-ut, zgjedhjen e Dumanit e vlerëson si përgjigjen më të mirë që mund t’i kthesh akuzuesve.
“Procesi i zgjedhjes së drejtuesit të ri të SPAK foli vetë për të gjithë ata që duan të dëgjojnë dhe të gjitha thashethemet e katundit politik e mediatik për kapjen e skapjen e SPAK-ut nga regjimi i mori era! Urime drejtuesit të ri dhe fjalën le ta marrë puna me rezultate konkrete”.
Altin Dumani pritet të marrë detyrën javën e ardhshme.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
