1953-cü ildə paytaxt Pekin şəhərində dünyaya gələn Jipinqin atası Şi Conqşun, böyük rəhbər Mao Zedunqa ən yaxın şəxslərdən sayılırdı. Belə ki, Çin Kommunist Partiyasının hakimiyyətə yiyələnməsilə bitən vətəndaş müharibəsi zamanı o, şimaldakı hərbi briqadaların siyasi komissarı olmuş, respublikanın elanından sonra baş nazirin köməkçisi və propaqanda naziri kimi vəzifələr daşımışdı. Jipinqin anası Çi Şin isə, partiya məkəblərinin birində təlimçi və anminstrativ vəzifə tutmaqdaydı.
1966-cı ildə "Qızıl Mühafizlər" adlı qrupun iştirakı ilə baş verən "Çin toplumundakı kapitalist və ənənəçi ünsürləri təmizləmə" məqsədli (Mao Zedunqun "Mədəni inqilab" - dediyi) toplumsal hərəkat Şi ailəsindən də yan keçmədi. O dönəm Şi Jipinq, Çinin şimal-qərbindəki Şaansi əyalətində yoxsul bir kəndə (məcburi əmək üçün) göndərildi. Jipinq burada mağarada yaşadı və özünü durmadan inkişaf etdirdi. Kommunist partiyasına on dəfə başvurusu (qəbul üçün müraciəti) rədd edilən Jipinq, on birinci müraciətin ardından "kənd sovetinin katibi" kimi ilk vəzifəsini əldə etdi.
"Mədəni inqilab"dan sonra universitetlərin yenidən fəaliyyətə başlamasıyla Jipinq, (22 yaşında) Pekindəki Tsinqua Universitetində kimya mühəndisliyi ixtisasına yiyələndi. Universiteti bitirdikdən sonra əvvəllər atasına bağlı fəaliyyət göstərən General Ginq Biaonun şəxsi katibi kimi çalışmağa başladı. Ancaq məqsədi siyasi təcrübə əldə etmək olduğu üçün bu vəzifədən ayrıldı və Pekinə qonşu Hibey əyalətindəki kiçik bir dağətəyi bölgədə bələdiyyə başçısı köməkçisi olaraq çalışmağa başladı. Daha sonra, Fucien əyalətiə gedən Jipinq, 17 il burada müxtəlif vəzifələr daşıdı və nəhayət, 1992-2002-ci illrdə burada əyalət valisi oldu. 2002-2007-ci illərdə Cıcianq əyalətində partiya katibi vəzifəsini tutdu. 2007-ci ildə Şanxay əyalətində qısamüddətli (7 ay) partiya katibliyi vəzifəsini daşıdı.
ÇKP-nin 2007-ci ildəki 17-ci milli konqresi vasitəsilə, partiyanın ən üst idari orqanı Daimi Komitəyə seçildi. Daha sonra dövlət rəhbəri Hu Cİntaonun yardımçısı olması ilə Jipinq, artıq "gələcəyin lideri" olaraq görülməkdəydi.
Jipinq 2012-ci ildə ÇKP-nin Baş Katibi və 2013-cü ildən etibarən Dövlət Rəhbəri oldu.
Hazırda Çinin siyasi rəhbəri olan Jipinq, gələcək hədəfin "modern sosialist toplum yaratma" olacağını qeyd edir. Jipinqə aid "Çinəxas Sosializm" məfkurəsi Çin Konstitusiyasına daxil edilmişdir.
Həmçinin Jipinq, tarixi İpək Yolunu yenidənbərpa naminə "Bir kəmər bir yol" - adlı ümumdünyəvi proyekti dəstəkləyir.
Onun rəhnərliyi ilə Çin, dünyanın ən qabaqcıl ölkələrindən birinə çevrilmişdir və bu proses uğurla davam etməkdədir.

свернуть