Мусулман мусулмандын бир тууганы
Пайгамбарыбыз (с.а.в) бир туугандык жөнүндө көп осуяттарды айткан. “Мусулмандар – бул бир бүтүн дене”. “Мусулман мусулмандын бир тууганы, ага зулумдук кылбайт”. “Мусулман мусулмандын канын төкпөйт”. “Мусулмандын каны мусулманга арам”. Дагы бул өңдүү бир нече хадистерди айтып кеткен. Эми буга байланыштуу бир окуяны өрнөк берели. Ал төмөнкүчө: мусулмандар бир согушта 2 миң төө, 5 миң кой жана муну менен катар көптөгөн олжого ээ болушту. Абдан сүйүнүштү. Бирок бул жерде мунафыктардын башка бир оюну бар эле. Ибн Селул деген мунафык фитна чыгарыш үчүн ыңгайлуу учурду күтүп турду. Окуя мындайча: кудуктан баары кезектешип суу алып аткан. Мухажирлерден Жахжаш бин Масуд менен Ансарлардан Синан бин Вабер суу алып жатканда чакалары бири-бирине тийип кетти. Натыйжада жаңжал чыкты. Экөөсү тең урууларын чакырып келишти. Ансар менен Мухажирлердин бир туугандык мамилеси дароо солгундай түштү.

свернуть