Шымкентте арбаға таңылған бірінші топтағы мүгедек жандар жерасты өткелінен өту өмірге қауіпті дейді. Айтуларынша осыдан екі жыл бұрын тік пандустан арбадағы мүгедек азамат қайтыс болған. Құзырлы орындағылар пандустың заң талаптарына сәйкес еместігін анықтап, айыппұл салыпты. Одан бөлек, пандусты талапқа сай жасауға міндеттеген. Бірақта арада біршама уақыт өтсе де, тиісті органдар шарасыздық танытып отыр дейді. Сондай-ақ, вокзал мен әуежайда да осындай қолайсыздықтар жетерлік деген азаматтар пойыздарда инва-купелердің жоқтығын айтады.
