Ես հաճախ եմ լսում պատմություններ, որ տղամարդիկ լեվին են գնում ու դավաճանում իրենց կանանց։ Տղեք, ամուսնական դավաճանությունը մեծ մեղք է, իսկ մենք տղամարդիկս հատուկ առաքելություն ունենք այս կյանքում մեր ընտանիքների մեջ։ Աստվածաշունչը խոսելով տղամարդկանց առաքելության մասին, առաջին հերթին նշում է տղամարդու դերն ընտանիքում։ Ինչու՞, որովեհտև ընտանիքում տղամարդը հոգ տանելով իր կնոջ, երեխաներ, ծնողների ու հարազատների համար, այսպես դրսևորում է իր լավագույն որակները։ Տղեք ջան լսեք։ Պողոս առաքյալը գրում է, որ ամէն մարդու գլուխը Քրիստոսն է, իսկ կնոջ գլուխը իր մարդն է։ Իսկ Քրիստոսի գլուխն Աստուած է։ (Ա Կթ․ 11։3)։ Այն որ կնոջ գլուխն իր տղամարդն է, նաև գրված է Հին Կտակարանում, երբ Աստված դիմելով Եվային ասում է «Պիտի անչափ բազմացնեմ քո ցաւերն ու քո հառաչանքները։ Ցաւերով երեխաներ պիտի ծնես, քո ամուսնուն պիտի ենթարկուես, եւ նա պիտի իշխի քեզ վրա» (Ծնն․ 3։16)։ Բայց, Նոր Կտակարանում տղամարդը ոչ միայն կնոջ գլուխն է, այլ նաև համեմատվում է Քրիստոսի հետ։ Տեսեք ինչ է ասում Աստուծո առաքյալը։ "մարդն է գլուխը կնոջ, ինչպէս որ Քրիստոս գլուխն է եկեղեցու. եւ ինքն է Փրկիչը այդ մարմնի։" (Եփես. 5:23) Աստուծո առաքյալը տղամարդկանց նաև ասում է "Մարդի՛կ, սիրեցէ՛ք ձեր կանանց, ինչպէս որ Քրիստոս սիրեց եկեղեցին եւ իր անձը մատնեց նրա համար" (Եփես․ 5։25)։ Այսինքն, տղեք ջան, տղամարդը, Քրիստոսի նման, պետք է լինի իր կնոջ պահապանը, իր կնոջ կերակրողը, ու անհրաժեշտության դեպքում նաև իր կյանքը դնի իր կնոջ համար։ Այլ ոչ թէ ամուսնության ժամանակ երդում տա հավատարմության ու գնա դրժի իր խոսքը՝ սիրած պահելով կամ դավաճանելով։
Ещё видео!