/Пресса тч/ Ситора Сафароваро 8 сол пеш шавҳараш бо 5 фарзанди ноболиғ дар хобгоҳ партофта рафтааст. Сахтии рӯзгор ин зани азияткашидаро моҳи июли соли гузашта бо 4 писару як духтар ба муҳоҷирати меҳнатӣ кашид. Ӯ дар Русия самбусаву пирожки мепухту фарзандонаш мефурӯхтанд. Вазъи саломатиаш бад шуд ва бо кумаку дастгириҳои муҳоҷирон моҳи феврал бо як фарзандаш ба Ватан интиқол ёфт. Ҳоло Ситора дар хобгоҳи умуми бо писари 8 солааш зиндагӣ дораду чор фарзанди дигараш дар мулки ғариб бекасу бесарпаноҳанд. Ситора бемори вазнин асту нони хурдан надорад...
Ситора аз фарзандонаш дур аст. Он ноболиғон дар Русия ҳам дарс мехонанд ва ҳам ба савдо машғуланд. Мушкилии асоси он аст, ки фарзандонаш ба Тоҷикистон омада наметавонанду Ситора ба Русия ҳам рафта наметавонад. Ба болои ин аз мактаб ба фарзандони Ситора ҳушдор дода истодаанд, ки агар модаратон наояд ва сарпаноҳи шумо нашавад, мо шуморо ба хона интернат месупорем.
Соли 2014 дастони фарзанди хурдии Ситора сухтанд ва ӯ ба маблағ сахт эҳтиёҷ дошт. Дар ин вақт, Шокирова Ҳилола ном зан бо роҳи фиреб ба номи ӯ аз Агроинвестбонк 3,700 доллар қарз гирифт ва бо ҳамин беному нишон гашт. Ҳоло бошад аз бонк ба сари Ситора наздики 12 000 долларро бор кардаанд.
Ситора аз раиси шаҳри Душанбе муҳтарам Рустами Эмомалӣ илтимос дорад, ки ӯро ба фарзандонаш расонад.
Корти бонкии Ситора аз Спитаменбонк: 6233 5101 1123 0342
Рақами телефони Ситора: +992 900 53 35 34
Рақами телефони фарзандони Ситора: +7 964 124 12 30
