Frika nga vdekja është bashkëshoqëruesja e çdo njeriu, por jo për ata që lënë pas diçka të pavdekshme. Kështu ishte për kolosin e letrave shqipe Ismail Kadare, i cili ndërroi jetë këtë të hënë në moshën 88-vjeçare nga një arrest kardiak.
U lind në qytetin e Gjirokastrës, një qytet të pazakonte siç e quante ai, prej nga ku doli edhe ky shkrimtar i pazakontë.
Dashuria e parë ishte letërsia, një dashuri e hershme që 10 vjeç, ku paralel më të lindi dhe dashuria për të shkruar, me Makbethin që e magjepsi.
Të jesh brilant në letërsi, në një kohë të zymtë politike si diktatura, e që shkrimtarët origjinalë i kishte zët, ishte ky kusuri që duhet të mbante një plejadë e nderuar në vendin tonë e mes tyre edhe Ismail Kadare. Por realitetin që po rritej në një vend që nuk ishte i lirë e mësoi qysh kur ishte fëmijë, edhe më shumë akoma kur u zbulua si shkrimtar.
Ismail Kadare do të mbahet mend jo vetëm si rojtar i gjuhës shqipe por dhe si një shkrimtar që e çoi përpara zhvillimin e saj, edhe më shumë si një gjeni që e bëri të njohur në arenën ndërkombëtare.
Veprat e tij janë përkthyer ne 45 gjuhë të botës. Kadare i ka lënë vendit një pasuri të madhe që brezat do ta gëzojnë gjithmonë, por edhe bota, që e vlërësoi me çmimet më të larta.
Është nderuar në 2005 me çmimin "Man Booker Prize" që ndahet në Britanë e Madhe, në 2009 me çmimin spanjoll Princi i Austurias për Artet, në Itali me çmimin Lerici Pea. Në Francë u nderua me urdhrat “Kryqi i Legjionit të Nderit” dhe “Oficer i Legjionit të Nderit, e shumë e shumë të tjerë.
Shumë herë ishte kandidat për çmimin Nobel, por ndonëse asnjëherë të fituar, Kadare mbetet sot shkrimtari më i njohur shqiptar në botë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
