Cəlil Cavanşir - Hər gün bir az tükənirəm
Bəstəkar - Emin Sabitoğlu - " Qətldən yeddi gün sonra " film musiqisi
hər gün bir az tükənirəm,
adam-adam,
azalıram,
bəlkə hüzurdu az adam
azaldıqca, tükəndikcə
görürəm daha azadam
bir səbəb soruşma dostum
bəlkə də ən qəribəsi,
yoxdur səbəbi,
niyəsi...
yaşanmamış bir ömürdür,
bir də sarsaq xatirələr
elə yorğunam ki, dostum
qaçır qələmin ucundan,
qaçır
ən çılğın sətirlər
indi bu yorğun adamın
bircə çimdik də qalmayıb yaşamaqçün bəhanəsi
baxıram, qəribdi, təkdi
yoxdur bu ömrün yiyəsi...
