Ամուլսարի ոսկու հանքը կշահագործվի։ Կառավարությունը 250 միլիոն դոլար արժողությամբ համաձայնագիր ստորագրեց «Լիդիան Արմենիա» ընկերության և Եվրասիական զարգացման բանկի հետ։ Բնապահպանների ահազանգերից, տևական բողոքի ակցիաներից ու քրեական գործից հետո գործադիրը հայտարարեց, որ այլևս խոչընդոտներ չկան: Կառավարությունը ստանալու է նոր ընկերության բաժնետոմսերի 12.5 տոկոսը:
Ջերմուկին հարակից ոսկու հանքավայրի շահագործման ծրագիրը Հայաստանի ամենամեծ ու ամենաաղմկոտ ներդրումային նախագծերից է։ Բնապահպաններն ու հարակից համայնքների բնակիչները տարիներ շարունակ պնդում են՝ հանքի շահագործումը աղտոտման մեծ ռիսկ է առաջացնելու առողջարանային գոտու ջրերի, օդի, հողի համար: Հանքավայր տանող ճանապարհը տեղի բնակիչները 2018-ից փակ էին պահում՝ թույլ չտալով ընկերությանը շինարարություն սկսել։
![](https://i.ytimg.com/vi/sM823idxouc/maxresdefault.jpg)