Kaitor hamjakmabai chwng team Suar haino hai norokni thani rwchabmung kwtal tuphai mankha. O videoni swkangni blog-o norokno kaisa swngmung swngmani, o rwchabmungni bwrwi rwchabnai sabo wngno hwnwi. Tini norokni bagwi sabo wngkha phiyogwi rwjak kha.


"I’nhi, chwngno hamjaknaini bising tẃi chwng omo hai bebago’-no kwplaini slái teibo kwplai wngo! Bo chwngno hamjakmani yakni chwngno mungsa phano swkagwi man ya hwnwi ang khá butharjak: chwng thwi phano, chwng thang phano bo chwngno hamjagwi tongo; suarirok phano mwtairok phano bini yakni chwngno swkagwi man ya; tabukbo man ya, ulobo man ya; nokhani mungsa phano man ya, ha tolanibo mungsa phano man ya chini Subrai Jisu Khristo tẃi Kaitor chwngno hamjakmani yakni chwngno swkagwi mannai bebak sirisiti o mungsa phano kw se kwrwi."
RUM 8: 37-39

37 No, in all these things we are more than conquerors through him who loved us. 38 For I am convinced that neither death nor life, neither angels nor demons, neither the present nor the future, nor any powers, 39 neither height nor depth, nor anything else in all creation, will be able to separate us from the love of God that is in Christ Jesus our Lord.
Romans 8: 37-39

Lyrics
Ano hamjaknaisa Kaitor
Ano naikhlaiui tongo
Ani yakno chwrapkhe romwi
Lama kahmtwi himrwo

Ano Kairoknaisa Kaitor
Ano naikhlaiui tongo
Ani yakno chwrapkhe romwi
Lama kahamtwi himrwo

Ang mwnak hapar-o kwmai thangyatwi
Ano mwrwgwi tongo
Ang soitani khwi-o dwkhwi kwchaya twi
Ano yak romwi tongo

Ano hamjagwi Ano khairogwi
Mokol gana bo ano tonno
Hamya chayani phiyokna bagwi
Ani bagwi nwng uansogmang tongo

Nwnghai kaham tei kwrwi
O ani Aphaooi....2

Ano hamjaknaisa Kaitor
Ano naikhlaiui tongo
Ani yakno chwrapkhe romwi
Lama kahmtwi himrwo

Ano Kairoknaisa Kaitor
Ano naikhlaiui tongo
Ani yakno chwrapkhe romwi
Lama kahamtwi himrwo

Ang mwnak hapar-o kwmai thangyatwi
Ano mwrwgwi tongo
Ang soitani khwi-o dwkhwi kwchaya twi
Ano yak romwi tongo


Bwskangni sal rogobo Kaitorni hamari bisingtwi khlaiui chwng teibo kaham kaham project tuphai mananw hwnwi kha chongo.

Keep supporting keep loving

Hambai
Team Suar

свернуть